Plantun de Prouvènço

Pèr coumpara dos planto d'encò nostre

Lithospermum officinale & Bupleurum tenuissimum

Erbo-di-perlo

Lithospermum officinale

Boraginaceae

Àutri noum : Erbo-de-la-perlo, Erbo-perliero, Tè-perla.

Noms en français : Grémil officinal, Herbe aux perles.

Descripcioun :
Aquelo planto, un pau grando, se recounèis majamen à si fru blanc qu'esbrihon coume de perlo. Autramen, quouro flourejo, sèmblo proun à l'erbo-de-la-pisseto, mai èi proun grando, majamen si fueio. Peréu s'atrobo pas dins li mémi relarg.

Usanço :
L'erbo-di-perlo èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco. Servié peréu pèr leva de gran dis iue emé la grano (de bouta souto la parpello de dessouto).

Port : Grando erbo
Taio : 30 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Lithospermum
Famiho : Boraginaceae

Coulour de la flour : Blanco
Petalo : 5
Ø (o loungour) flour : 3 à 6 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Colo
Estànci : Termoumediterran à Mountagnard
Couroulougi : Éurasiati
Ref. sc. : Lithospermum officinale L., 1753

Buplèvre(-prim)

Bupleurum tenuissimum

Apiaceae Umbelliferae

Nom en français : Buplèvre menu.

Descripcioun :
Lou buplèvre-prim es uno planto dindouleto, ramificado tre la baso e que retoumbo souvènt. Èi pèr acò que se vèi pas toujour. Trachis dins li prado e pelouso umido, li mueio e pulèu sus marlo o argielo e de cop que i'a sus un sòu sala. S'aluencho pas trop de la mar. Sèmblo proun au buplèvre-verdau, Bupleurum semicompositum, pamens aquest darrié trachis dins li relarg secous, e si fru soun pas cubert de costo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Roso
Petalo : 5
Ø (o loungour) flour : 3 mm
Flourido : Printèms - Estiéu - Autouno

Sòu : Na Cl
Autour basso e auto : 0 à 600 m
Aparado : Noun
Remarco : Planto de coustiero
Jun à óutobre

Liò : Prado umido - Mueio - Marlo - Ermas
Estànci : Mesoumediterran
Couroulougi : Mediterrano-atlantico
Ref. sc. : Bupleurum tenuissimum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lithospermum officinale & Bupleurum tenuissimum

Coumpara Erbo-di-perlo emé uno autro planto

Coumpara Buplèvre(-prim) emé uno autro planto